Тываның В.М. Халилов аттыг күрүне филармониязы Чаа чыл уткуштур Тываның Алдан-Маадыр аттыг Национал музейинге республиканың тыва композиторларының бирги болгаш ийиги салгалының хөгжүм чогаалдарының партитураларын белекке берген:
1. Ростислав Докур-оолович Кенденбиль – «Сочинения для симфонического оркестра»;
2. Хүреш-оол Кара-Салович Дамба – «Сочинения для симфонического оркестра»;
3. Владимир Салчакович Тока – «Сочинения для симфонического оркестра».
Шак ол партитураларны парлап үндүреринге Президент фондузунуң культура инициативаларының деткимчези-биле “Хөгжүм чогаалының салгалы “Эне-Сайның симфониялары” деп төлевилел дузалаан. Партитураларның хөгжүм редактору кылдыр Красноярскының академиктиг симфония оркестриниң дирижеру Михаил Мосенко ажылдап кылган.
Президент фондузу-биле боттандырган төлевилелди Ростислав Кенденбильдиң 100, Хүреш-оол Дамбаның 80 чылдаанынга тураскаадып боттандырган. Ол Тываның сураглыг композиторларының дугайында Красноярскының филармониязының ийи дугаар боттандырган төлевилели болур. Баштайгызын, 2022 чылда алдарлыг тыва композитор Владимир Токаның чораан болза, 80 харлаар турган юбиле- йинге тураскаадып, “Хөгжүм чогаалының салгалы “Владимир Токаның Енисей акварели” деп төлевилелди боттандырган.
Партитуралар чүгле 200 кезектиг парлаттынганы-биле онзагай.
“Шын” №99 2023 чылдың декабрь 27
