Кызыл хоорай чагыргазы хөй ажы-төлдүг өг-бүлелерге оларныӊ социал хандырылга алыр эргезин бадыткаан шынзылганы тыпсып турган.
Регионнуӊ Күш-ажыл яамызыныӊ өг-бүле политиказыныӊ килдис даргазы Анай-Хаак Хомушку биле Кызылдыӊ хоорай чагырыкчызыныӊ оралакчызы Наталья Попугалова шынзылганы байырлыг ёзу-биле тывыскан.
Статистика-биле алырга, Тывада хөй ажы-төлдүг өг-бүлелерниӊ саны – 96 ажыг муӊ. Социал камгалал органнары оларга дузалап, социал хандырылгаларныӊ шынарын экижидер дээш, 2024 чылда чаӊгыс аай даӊзыны тургузуп эгелээн. Амгы үеде ол даӊзыда чүгле 15 муӊ өг-бүлениӊ дугайында медээлер киирген.
Хөй ажы-төлдүг өг-бүле бүрүзү шынзылгалыг болур. Ону кылдырып алыр дизе, Күрүне ачы-дуза порталынга азы чурттап турар черинде социал камгалал органнарынга билдириишкин бижиир. Ооӊ соонда өг-бүлеге шынзылганыӊ саазын болгаш QR-кодтуг электроннуг хевирин бээр.
ТР-ниӊ Күш-ажыл яамызыныӊ медээлеринден.
Чурукту интернет четкизинден хоолгалаан.
“Шын” №91 2024 чылдың ноябрь 27
