Москвага декабрь 20-22 хүннеринде Шеригниң төпчүткен спортчу клуву аттыг (ЦСКА) Олимпийжи курлавырлар спорт школазының бирги чери дээш уран чүүл гимнастиказының маргылдаазынга бистиң республикадан тренер башкы Алёна Удодтуң өөреникчилери чедиишкинниг киришкеннер.
Эң бичии 6 харлыг уруглар аразынга 2 разрядтыг Анна Родичева 3-кү шаңналдыг черни алгаш, эштериниң база тренериниң хей-аъдын көдүрген. Дараазында 10 харлыг уруглар аразынга 1 дугаар спортчу разрядтыг тыва гимнастиканың сылдызы Ангелина Түлүш чидиг демиселдиң түңнелинде 3-кү черни алгаш, алдындан чайырлаан чараш белекти алган.
Бичии гимнаст спортчуларга база тренер башкызынга 2025 чылды уткуштур изиг байырны база спортчу чедиишкиннерни күзедивис.
Алексей ЧАМБАЛ-ООЛ, хоочун спортчу.
