Теве ажыл-агыйлыг Баян-Колда тевежи малчынны көргеш, коданы улуг-даа болза, чаңгыс-даа мал чиир сиген чок, чаш анай-хураган, бызаа, кулун-даа көзүлбес болурга, кайгадым. Чаш теве оолдары чиир сигенни хереглээр болбайн канчаар. Хар эрий берген-даа бол, мал ызырар үнүш чок ышкажыл. Эрткен чайын чаашкын чок болганы-биле, кургаг-даа үнүш чок. Коданда каракка көстүр чаңгыс-даа техника, дириг мал-маган чок, кандыг аайлыг кодан боор.
Малчын кижи хойну ыяап-ла тудар болза эки. Тевени хой ышкаш каш хонгаш соп чип олурар эвес. Ол кандыг аайлыг чиктиг малчын боор. Иези сиген чивес болза, сүт кайыын келирил. Ол чаш бодаганнарга күрүне дүрген оът-сиген-биле дуза кадар болза эки-дир. Сиген-биле дузалажырын дилеп тур бис. Апрельде сиген үнүп келбес база кургаг ай-дыр. Майда оът-сиген көстүп кээр.
/ Мария Тюлюш.
Шагаан-Арыг хоорай.
"Шын" №26 2023 чылдың апрель 12
#Шынсолун #Тыва #Шынныңпочтазындан #Көдээажыл_агый#Теве
Хөөкүй тевелерни, тевежини
13 апреля 2023
65