Август 9-та Мөңгүн-Тайга кожуунга сарлык фестивальы болуп эрткен. Кайгамчык чараш байырлалдың база бир кезээ сарлык чарыжы болган. Аңаа ниитизи-биле 40 сарлык мунукчузу киришкен.
Хертек алышкылар финишкен кымга-даа четтирбейн кирип келгеннер.
“Бо чарышка 2 ай иштинде белеткенип келген бис. Финишке акыларым-биле кады кирип келир бис деп бодавадым. Ол кайгамчык болду” – деп, алышкыларның бирээзи өөрүшкүзүн илереткен.
Алышкыларның тиилелгези фестивальдың база бир аянныг болуушкуну болган. Байырлалга келгеннер уурук-сууруктап тиилекчилерге байырын чедиргеннер.
Ол ышкаш хууда сайгарлыкчы болгаш тудугжу Ужар-оол Иргит база чыда калбаан. “Алышкыларның тиилелгези дээш байырым чедирип, ам-даа улаштыр чедиишкиннерлиг болурун күзедим. Силерниң чедиишкиниңерге чоргаарланып тур бис” – деп, ол чугаалаан.
Чуруктарны интернет четкизинден алган.
