Тываның хары угда ийи ортумак профессионал өөредилге черлери «Профессионалитет» федералдыг төлевилелге киржир. Ак-Довурактың даг база Тываның тудуг техникумнары 100–100 сая рубльдиң федералдыг дузаламчызын алырлар. Ол акша-хөреңги-биле өөредилге чериниң материал-техниктиг баазазы чаарттынар – амгы үениң дериг-херекселдери болгаш техниказы-биле четчелеттинип, программалар республиканың күш-ажыл рыногунда даг-тывыш инженерлеринге база тудуг кадрларынга чогуур хереглелди дуглаар.
Эрткен чылын Балгазында Тываның агроүлетпүр техникуму «Профессионалитет» федералдыг төлевилелдиң бирги күүседикчизи, а Кызылда, Чадаанада база Сарыг-Септе көдээ ажыл-агый техникумнары кады боттандырыкчылары болганын сагындыраал.
Тываның Баштыңы Владислав Ховалыг грант алыкчыларының даңзызынче кирген чаа өөредилге черлериниң дугайында медээни бодунуң арынында дыңнаткан:
«Федералдыг деткимчени алырын, тудуг адыры шапкынчаанын өөренип көргеш, база Тастыгның литий чыдынынче улуг инвесторнуң киргени-биле, ол адырда өөредилге-бүдүрүлге кластерин регионга тургузарын үе негеп келген. Бистиң аныяктарывыс шынарлыг болгаш хереглелдиг мергежилдерни чедип ап, а инвесторлар – бүдүрүлгениң вахта-биле ажылдаарын база кадрларның чедишпезин шиитпирлеп аптар».
Бо өөредилге программазы-биле өөренген доозукчулар регионнуң башкарыкчы бүдүрүлгелеринге бедик мергежилдиг специалистер болуп ажылдаар. Техникумнарның өөредилге-бүдүрүлге төптери 2025 чылдың сентябрь 1-де ажылын эгелээр. Хүлээп алыр ажылчыннар саны бадылаттынган – 600 кижи. 2027 чылга чедир санаан сан-чурагайлардан алырга, «Профессионалитет» төлевилел даг кластериниң даг тывыш, транспорт болгаш тудуг адырынга бир муң беш чүс хире ортумак звенонуң специалистерин белеткеп бээр.
А. МОНГУШ.
«Шын» №46 2024 чылдың июнь 22
![](https://sun4-20.userapi.com/impf/38_pBMse5Q0GREQZRsxQEnq7SQ7XbxYw9Pzv6A/QLTq6FicKV0.jpg?quality=95&as=32x21,48x32,72x48,108x72,160x106,240x160,360x239,480x319,540x359,640x425,720x479,1080x718,1280x851&sign=67c09e745da51b0e96893ed2200d0da7&from=bu&u=OXJrQ585xWvFItLPjXnFsxmh9GSFhqkCgzzwTrCaoQA&cs=807x537)
![](https://sun4-21.userapi.com/impf/v4YaX5WaRPWGux3k-j-4SjVC__4BH4198OXqvQ/NThaguyw0Qs.jpg?quality=95&as=32x21,48x32,72x48,108x72,160x106,240x160,360x239,480x319,540x359,640x425,720x479,1080x718,1280x851&sign=cc16409ecb26f0308e04e48c0a51d8e1&from=bu&u=3x4MN4KFSk_7sOu5fAstl16n4Krid5cgFN7MlF0Cw-c&cs=807x537)
![](https://sun4-18.userapi.com/impf/PcqQ3q79xfCX-Bg338CrrQJfpcIFoU9FTYaiIw/GzplJMX6vOU.jpg?quality=95&as=32x21,48x32,72x48,108x72,160x106,240x160,360x239,480x319,540x359,640x425,720x479,1080x718,1280x851&sign=72463653465af6155266e2ccde738b8f&from=bu&u=eNelmW8wrLegMjg1FdsJheX7YqxbBqEf5aMXDAMIVLE&cs=807x537)
![](https://sun4-21.userapi.com/impf/2CLxHc6nWVxzdkAQYA3XxAhFDMN2PaOG6hJsnA/rejBpq3srxE.jpg?quality=95&as=32x21,48x32,72x48,108x72,160x106,240x160,360x239,480x319,540x359,640x425,720x479,1080x718,1280x851&sign=9c24e6620d7f4c3238301bd1f3b8d42c&from=bu&u=9fM4tXvdP2e_Qmrg1tQ6X7Hz6fFZMIJ4UHXW5x5jfBs&cs=807x537)
![](https://sun4-22.userapi.com/impf/N2FPvhOCOvd3PcXlaHnxrxsUvThtAdLWNbl94A/ZdRMb9p6MJs.jpg?quality=95&as=32x21,48x32,72x48,108x72,160x106,240x160,360x239,480x319,540x359,640x425,720x479,1080x718,1280x851&sign=629362f36100f5e1f4d10c69a48b0a9c&from=bu&u=qQUHe4ED5hK_7utfxFVvyKczJlQSZYxYeDap0ieIAkw&cs=807x537)