Тыва Республиканың соңгулда комиссиязының даргазы Орлан Дандар сентябрь 9 - 10 хүннеринде соңгулдаларның кандыг эртип турганының дугайында массалыг информация чепсектеринге дыңнаткан.
Тыва Республиканың Дээди Хуралының депутаттарының немелде соңгулдалары "Сүт-Хөл" соңгулда округунда (Чаа-Хөл, Чөөн-Хемчик, Барыын-Хемчик, Сүт-Хөл кожууннар), Кызыл хоорайда "Восточный" соҢгулда округунда чоруп турар. Бо округтарда соҢгукчулар элээн идепкейлиг бадылап турар - 57 хуу.
Тус черлерниң Төлээлекчилер хуралдарының депутаттарының соңгулдаларынга сентябрь 9 - 10 хүннеринде соңгукчуларның 41 хуузу бадылаан.
Кызыл хоорайның Төлээлекчилер хуралының депутаттарының
соңгулдаларынга соңгукчуларнын 37 хуузу киришкен.
Дүүн, сентябрь 10-да, Кызыл хоорайда соңгулда участоктарының бирээзинге соңгулдаларны эрттирериниң чурумун хажытканынга хомудал Россияның либерал-демократтыг партиязының мурнундан кирген. Амгы уеде сайгарылга чоруп турар.
Барыын кожууннарда соңгукчуларның бадылаашкынга идепкейлиг киржип турарын Орлан Дандар демдеглээн.
Ш.Монгуш.
Ийиги хүннүң түңнелдери
11 сентября 2022
71