Тываның күрүне лицейиниң доозукчузу Евгений Ховалыг Иннополис университетке өөренир өөредилге грантызын ойнап алган.
Бо өөредилге чери-биле Евгений 2023 чылда, кажан ол клазы-биле Казань хоорайга экскурсиялап, Иннополис университединге барып чорааш, таныжып алган.
Кирериниң шылгалдаларында математика, программалаашкын болгаш информатика талазы-биле, а ол ышкаш англи дылга шылгалдалар бар болган. Өөредилгениң программазы кылдыр бо дылды Евгений шилип алган болгаш, шылгалдалар бетинде ол элээн дүвүрээн, чүге дизе шылгалданы Индиядан келген англи дылдыг башкы хүлээп алган.
Бюджеттиг черже ону хүлээп ап турда, Евгений дазылгага чурттаары чиигелделиг болгаш 32000 рубль чедир стипендиялыг грантыны алган.
Евгений — Бүгү-россияның олимпиадалырының идепкейлиг киржикчизи. Май эгезинде ол Санкт-Петербург хоорайда Экономиканың дээди школазының университединге олимпиадага киришкеш, практиктиг программалаашкын болгаш сан-медээлерни анализтээр школаны эрткен. Ам ол хөй саннарны алыр дээш берип турары грантызының хууларын улгаттырар дээш, Чаңгыс аай күрүне шылгалдаларынга күжениишкинниг белеткенип турар.
Бистиң корр.
«Шын» №37 2024 чылдың май 22
