Улустар аразы чергелиг IV буддийжи шуулганны Тываның найысылалы Кызыл хоорайга эрттиреринге белеткелге хамаарыштыр ажыл-агыйжы хуралды Тываның Баштыңы Владислав Ховалыг эрттирген. Ол хуралга республиканың яамыларының, ведомстволарының болгаш Кызыл хоорайның мэриязының удуртукчулары киришкен. Найысылалды улам чаагайжыдары, кудумчуларда оруктарның септелгези, хоорайның чырыдылгазы, шуулганның киржикчилери чурттаар аалчылар бажыңнарының байдалы дээш IV-кү буддийжи форумну эрттиреринге белеткелдиң өске-даа айтырыгларын чугаалашкан. Ол ажылдарны чүгле буддийжи шуулганга белеткел кылдыр көрбейн, эки шынарлыг кылып, алыс черле үр үеде ажыглалдың объектилеринге ажылдар кылдыр чорудар ужурлуг бис деп Владислав Ховалыг айыткан.
Бистиң сорулгавыс шуулганны чүгле бедик деңнелге эрттиреринден аңгыда найысылалга улуг хемчээлдиг чаартылгаларның таваан салыры, Кызылдың чурттакчылары таарымчалыг чаагай байдалга чурттаар быжыг үндезини тургузары деп Тываның Баштыңы ол хуралга демдеглээн.
Чурукту Тываның Баштыңы В.Ховалыгның телеграм-каналындан алган.