КВИНТИЛИС ТУРГАН
Бо айны римниң шериг баштыңчызы Юлий Цезарьга тураскаадып адаан. Июль деп адаар мурнунда Квинтилис (латын дылда «бешки» дээн) дээр турган. Григориан календарь ёзугаар июль бешки ай турган. Цезарь келген соонда, январь биле февраль айларны немеп, календарьны өскерткен. Юлиан календарьны бо хүнге чедир ажыглап турарывыс бо.
РАК БИЛЕ АРЗЫЛАҢ
Зодиактар аайы-биле алырга, июль 1-ден 22 аразында төрүттүнген улус сеткил-сагыжы хайныышкынныг, сагыш човаачал Рактар-дыр, а июль 23-тен ыңай — чугаакыр болгаш шиитпирлиг Арзылаңнар.
КАМГАЛАЛ ДАШ
Июльдуң дажы — рубин. Ону үнелиг даштарның хааны деп санаар. Шаанда дайынчының дериг-херекселинге ол дашты шуткуп каарга, тулчуушкун шөлүнге ону камгалаар деп санап турган. Рубин мерген угаанны, ынакшылды болгаш кадыкшылды бээр, ол ышкаш багай чүүлдерден камгалаар үнелиг даш.
СОЛАГАЙЛААРЛАР АЙЫ
Өске айларны бодаарга, бо айда «солагайлаар» кижилер эң-не хөй төрүттүнүп турарын шинчилелдер көргүскен.
ЭҢ-НЕ ХӨКТҮГ БАЙЫРЛАЛДАР
Июль ай чиктиг байырлалдардан долган, чижээ: июль 2 — Бүгү-делегейниң НЛО хүнү, июль 6 — Бүгү-делегейниң ошкаашкыннар хүнү, июль 8 — Бүгү-делегейниң сойгалаашкыннар хүнү, июль 9 — Единорогтарга бүзүрел хүнү, июль 11 — Чааскаанзыргай кижилерниң хөңнүн чазаар хүн, июль 22 — Семиспейлер хүнү.
Чурукту интернет четкизинден алган: yandex.ru/images/sea...
“Шын” №25 2025 чылдың июль 3