Республиканың «Наадым–2024» июль айның 18–20 хүннеринде Кызыл кожууннуң Тос-Булакка болуп эртер. Аңаа Тываның эң шылгараңгай малчыннары киржир.
Тыва национал хүреш, аът чарыштырары, ча адары дээн ышкаш спортчу маргылдаалар, сыгыт-хөөмей, ыр-шоор, танцы-сам аян-шинчи киир шимеп-даа турар болза, хамыктың мурнунда Наадым – күш-ажылдың байырлалы. “Кидис салыры”, “Тараа соктаары”, “Чеп эжери” дээш малчын кижиниң хүн бүрүде амыдырал-чуртталгазы-биле холбаалыг ажыл-ишчи мөөрейлерни эрттирип турар.
Республика Наадымының мурнуу чарыында кожууннарда Наадымнарны организастап эрттирип, аңаа ажыл-иштиң түңнелдерин үндүрүп, мурнакчыларны шаңнап-мактап, республика Наадымынга киржиринге төлептиглерни шилип ап турар. Чижээлээрге, мал ажылын хөгжүдеринге киирген улуг үлүг-хуузу, мал-маганны көвүдеди азырап өстүргени дээш, Сүт-Хөл кожууннуң Наадымынга бирги чергениң күш-ажылчы чемпионнары Мөңгүн-оол Делгер-оолович Монгуш (Кара-Чыраа), Арат Александрович Монгуш (Суг-Аксы), Очур Бопуякович Ооржак (Алдан-Маадыр) шаңнатканнар.
Кожууннарда Наадымнар янзы-бүрү спортчу болгаш уран чүүл хемчеглери-биле солун-даа болза, оларда ажыл-ишчи хөөн, тура-сорук сиңниккен.
Күш-ажылдың байырлалы, малчыннарның Наадымнары кожууннарга канчаар эрткенин дараазында фото-чуруктардан сонуургап көрээлиңер.
Ш. ЛОПСАН.
Чуруктарны интернеттен алган.
«Шын» №46 2024 чылдың июнь 22
![](https://shyn.ru/media/cache/2024/06/24/ulug-kh-1-d3f629c345.jpg)
![](https://shyn.ru/media/cache/2024/06/24/kyzyl-kozh-1-53e6f1fcde.jpg)
![](https://shyn.ru/media/cache/2024/06/24/sut-kh-1-eff94887bb.jpg)
![](https://shyn.ru/media/cache/2024/06/24/sut-kh-2-54a14c82b8.jpg)