Күскү дыштанылгада лагерьге халас дыштандырарын саналдаан.

Мобилизацияже келдирген шериглерниӊ уругларынга лагерьлерге халас дыштанылганы организастаарын «Чаӊгыс демниг Россия» партиязы саналдап турар.
Партияныӊ Чиӊгине секретары Андрей Турчак күскү дыштанылга үезинде школачыларны дыштандырар аргаларны көөр деп даалганы «Чаӊгыс демниг Россияныӊ» регионалдыг салбырыныӊ секретарларынга, кожууннарныӊ чагырыкчыларынга берген.
Лагерьлээр халас путевкалар бээр, бир эвес ада-иези путевканы садып алган болза, чарыгдаан акшазыныӊ орнун төлеп, компенсация бээр талазы-биле амыдыралы чегей өг-бүлелерге хамаарыштыр практиканы ажыглап турар. Ол ажылды мобилизастаан шериглерниӊ өг-бүлезинге хамааржыр кылдыр кылып болур дээрзин Андрей Турчак демдеглээн.
– Бүгү чуртта «Чаӊгыс демниг Россияныӊ» регионалдыг салбырлары тускай шериг операциязынга киржир бистиӊ оолдарывысты шериг хеп-сын-биле хепкереринге, белеткээринге дорт дузалап турарындан аӊгыда, оларныӊ өг-бүлезинге янзы-бүрү чүүлдерге хамаарыштыр адрестиг ачы-дузаны амгы үеде чедирип турар. Бистиӊ дайынчыларывыстыӊ уруг-дарыынга дыштанылганы организастааш, оларга деткимчени берип турар бис – деп, ол чугаалаан.
«Чаӊгыс демниг Россия» партиязыныӊ регионалдыг салбырыныӊ медээзи-биле Р.Демчик белеткээн.1