Ийи лама бир хүрээден өске хүрээже бар чыткан. Орукка шапкын хемни сүзүп кежер апарганнар. Кажан олар хемге чоокшулап кээрге, бир кыс уруг сугну кежирип бээрин дилээн. Ламаларның бирээзи уругну холунга көдүрүп алгаш, хемниң ол чарыынче кежирип каарга, ийигизи ону көргеш чүүлдүгзүнмээн. Уруг хемни кешкеш, оруун уламчылап чоруй барган.
Ийи шак эрткенде, ийиги лама эжинге чугаалаан:
– Черле ынчаш, сен шын эвес кылдың. Бисти херээжен кижиге дээр хамаанчок, холга көдүрүп болбас дээрзин номналдарда бижип турар болгай. Сен ынчап болбас турган сен.
– Мен уругну чаңгыс минута дургузунда өске эрикче кежирипкеш, дораан ооң дугайында уттуптум. Сен ам-даа ону көдүрүп алган чоруп турар ышкажыл сен – деп, эжи харыылаан.
Чурукту интернеттен хоолгалаан.
“Шын” №27 2025 чылдың июль 17