Каа-Хем кожуунда хоочуннарга хөмүр-даш сөңү

Каа-Хем кожууннуң өг-бүлелерге болгаш уругларга дуза кадар социал төвүнүң ажылдакчылары Тываның Күш-ажыл болгаш социал политика яамызы-биле кады 2022 чылда эгелээн “Дүрген дуза” деп төлевилелди уламчылап турар. Социал төптүң баазазында хоочуннарга болгаш инвалид кижилерге дуза кадар “Өөрүшкүлүг хоочун назын” деп Фондуну ажыткан.

Бо хүннерде социал төптүң ажылдакчылары чааскаан чурттап турар 13 хоочуннарга 3 тонна хөмүр-дашты дүжүрүп берген. Кышкы соок үеде эвээш эвес өртектиг хөмүр-даш оларга улуг деткимче болганын хоочуннар демдеглеп, Күш-ажыл болгаш социал политика яамызынга база Каа-Хем кожууннуң социал төвүнүң ажылдакчыларынга улуу-биле четтиргенин илереткеннер.

Каа-Хем кожуун чагыргазының медээзинден