Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Калмыкияда шуулган

25 сентября 2025
4

Бөгүн, сентябрь 25-те, III Бүгү-делегейниң сарыг шажын шуулганы Калмыкияның Элиста хоорайында эгелээн. Ында делегейниң 35 аңгы күрүнезинден делегациялар киржип турар: Кыдат, Шри-Ланка, Бангладеш, Непал, Мьянма, Көрей Республика, Беларуссия, Сербия, Казахстан, Киргизия, Таджикистан, Узбекистан, Моол, Уганда, Бразилия, Бутан, Германия, Испания болгаш Россиядан – Бурятия биле Тыва киржип турар.

Шуулган ийи угланыышкынныг – ажыл-агыйжы болгаш культурлуг программалар. Ооң байырлыг ажыдыышкынын “Көшкүн араттың паараңы” деп мультимедиа шоу ажыдар. Ооң тургузукчу режиссёру Сочиге Олимпий оюннары, Евровидение, Чидиг кызыл парустар дээн ышкаш улуг хемчеглерни тургускан, бедик дуржулгалыг Андрей Болтенко болуп турар. Бо делегей чергелиг шуулганның программазынче кирген хемчеглер Калмыкияның найысылалынга аңгы-аңгы шөлчүгештеринге болуру манаттынып турар, чижээ, “Өйрат-Арена”, Төп хурул болгаш Калмыкияның күрүне университеди.
Шуулган үезинде тема аайы-биле 10 сессияга Азия чурттарында сарыг шажынның төөгүзүнден эгелээш, амгы буддизмде мөзү-бүдүш кижизидилгезиниң айтырыгларынга чедир чугаалажыр. Хөй күрүнелерден чыглып келген шуулган киржикчилеринге Индияның Национал музейинден чаладып эккелгени ыдыктыг Будда Шакьямуниниң эдилелдериниң делгелгезин бараалгадыр. Ол делгелге шуулганның программазында база бир кол черни ээлеп турар.
Оон аңгыда сарыг шажынның чүдүкчүлерин, ооң лидерлерин каттыштырган шуулганга Санкт-Петербургтуң музейинден калмык чоннуң сарыг шажынының кайгамчык чүүлдерин бир аңгы делгелгеден көрүп болур.
Ниитизи-биле шуулганда киржип келген кижи бүрүзү муң-муң чылдарда сарыг шажынның мерген угаадыглыг өөредиин амгы культураның аңгы-аңгы хевирлеринден көрүп, таныжып болур аргалыг.

Бистиң корр.
Медээ болгаш чурукту интернеттен алган.