Башкы дээрге бургандан келген мергежил-дир, чүгле шалыңы күрүнеден.
☺
Ꝋꝋреникчилерниң ада-иелери-биле харылзажып ажылдаары эң-не берге чүве-дир деп педагогикада ꝋꝋретпейн турар.
☺
– Ачай, сен школага башкы кижиге ынакшаан сен бе?
– Ийе, оглум.
– Оон чүү болган ирги?
– Аваң билип кааш, сени өске школаже шилчидип каан.
☺
Караңгы азыгга улгады берген башкыже үптекчи халдап келген.
– Акшаң эккел!
– Акшам чок.
– Шагың эккел!
– Шактарым бербес мен, ооң орнунга класс удуртулгазын ап алыңар?
☺
– Башкы мергежили делегейде эң-не эки мергежил-дир деп бадыткаар 3 чижектен берип кꝋрүңерем.
– Июнь, июль, август.
☺
Кончуг дээн байларның школазынга зоология башкызы ягуар дээрге дириг амытан-дыр деп шуут шынзыдып чадап каан.
☺
– Дүрген удуп чыт че, эртен школаже эртежик чоруур болгай сен.
– Ава-аай, эртен барбазымза-ла?
– Хоржок, албан баар сен, башкы ийик сен чоп.
☺
– Сээң ынак кичээлиң бар бе?
– Ийе.
– Кайызы?
– Сꝋꝋлгүзү.
☺
– Оглум, онаалгаларың кылдың бе?
– Чок.
– Ынчаарга чүге удуп чыдып ап тур сен?
– Билиг эвээште, уйгу дыштыг болур.
☺
Күш-культура башкызы дөрт оолдуг:
Бирээ, ийи…
Бирээ, ийи.
☺
Чаа келген башкы өөреникчилерниң билиин хынаары-биле айтырган:
– Бастилияны кым апканыл?
– Бис албадывыс, башкы.
Башкы муңгарааш, директорга барып, чүү болганын чугаалап бээрге, директору дүште-даа чок:
– Аңаа муңгарааш чоор силер. Олчаан бербес болза, чыл төнчүзүнде үндүр бижиптер бис, ажырбас.
“Шын” №76 2024 чылдың октябрь 5