— Экии, дуңмам! Кайда ажылдай бердиң?
— Мэрияда.
— Ол кандаай кижи сен?! Авам үндүрүг черинде, ачам полицияда, акың депутат. Ынчалдыр-ла бисти улус көрбес чүве-дир!
🙂
Ашаа кадайынче долгапкаш:
— Эжим, мен-дир мен. Дүвүревейн көр. Ажылдаар черимден үнүп келиримге, мени машина үстүрүптү. Анай-кыс мени эмчиге чедирип кагды. Эмчилер мени хынааш, рентген кылгаш, хан анализи алдылар. Бажым кемдей берген, харын-даа баш сөөгү бүдүн болду. Ээгилерим сына берген, элээн каш ханы балыглар бар-дыр, оң талакы будумну кезип кааптар хевирлиг.
Кадайы тургаш:
Ол чүү ындыг Анай-кыс чүвел?!
🙂
— Эмчи, мен грипптей берген-дир мен бе?
— Ийе!
— Хаван гриви-дир бе?!
— Ийе!
— Шынап-ла бе?
— Шуут шын! Чүгле шак ындыг хаваннар эртенгиниң 4.30 шак турда, 36,6 градус температура дээш дүрген эмчи дузазын кыйгырып шыдаар.
🙂
— Авай, бо конфетаны чүге “яблоко” деп адап каан чүвел?
— Чүге дээрге ында бичии хензиг яблок холуп каан.
— Ынчаарга “кис-кис” деп иристе чүнү холуп турар?
🙂
Баш таарар черге мастер бир кижиниң бажын таарып турган-дыр. Ооң чанында диизи ээртилеңейнип кылаштап-ла турган. Солагай талазын кыргыырга, диис солагай талазынга кээр, оң талазынга кээрге, база-ла оң талага кээр.
Бажын таартып олурган кижи диисти элдепсинип көрүп олуруп-олуруп:
— Диизиңер эртемден диис бе?
— Ийе, кулак манап олурары ол-дур.
“Шын” №18 2026 чылдың май 14
"Шын" солуннуң МАХ-каналынга каттыжыңар max.ru/join/egenQ...