Каткы бажы каткан эвес

Авазы бирги классчы оглунуң портфелинден шүдүнзе тып алгаш, айтырган:
— Шүдүнзе-биле ойнаарга, айыылдыг деп билир сен бе?
— Ойнаар деп-даа бодавадым. Мен чүгле таакпы кыпсып ап турдум.

***
Уруу авазындан айтырган:
— Чүнү-даа кылбаан кижини ажынып болур чүве бе?
— Чок, болбас, уруум.
— Ынчаарга, мен онаалгамны кылбаадым.

***
Кудумчуга кырган-ачазы биле уйнуу кылаштап чорааш, башкызын көрүп каан. Кырган-ачазы:
— Дүрген чаштын, бөгүн школа барбаан болгай сен.
— Чок, сен чаштын, мен сени чок апарган дээн болгай мен.

***
Мауглини бөрүлер кижизидип өстүрген болза, Карлсонну — вертолёттар.

***
Бичии оглунга авазы чугаалаан:
— Чүге чем чивейн тур сен, бөрү ышкаш аштап тур мен дээн болгай сен?
— Бөрүлер морковь чип турганын каяа көрген сен, авай?

***
Зоопаркка:
— Ачай, горилла бисче дыка чиктиг көрүп тур…
— Далашпа оглум, бо чаа-ла касса-дыр.

«Шын» №46 2024 чылдың июнь 22