Долу эвес мобилизацияже келдириишкин алгаш, дезип турган таварылгалар болган бе?
- Бистиң харыылап турар девискээривиске, Абаканда гарнизоннуң шериг прокуратуразынга шак ындыг таварылгалар демдеглеттинмээн. Бо дээрге хамаатыларның патриотчу үзел-бодалының күштүү, бедик харыысалгалыының бадыткалы дээрзин демдеглевес арга чок.
А бир эвес мобилизацияже келдириишкин алгаш, оон сагыштыы-биле дезер болза, ындыг хамаатыларга административтиг харыысалгадан эгелээш, хоойлуда көрдүнгени ёзугаар кеземче херээн оттуруп болур.
Өске таварылгада, чижээ, 4-тен хөй 16 хар четпээн уруг-дарыглыг, кадыының байдалы-биле таарышпас, өг-бүлезиниң кара чаңгыс азыракчызы болуп турар дээн ышкаш хамаатылар мобилизацияже келдириишкин алган болза, оларга хамаарыштыр шериг комиссариады, девискээр прокуратуразы-биле быжыг харылзаалыг деңге шиитпирлеп, ындыг хамаатыларны катап чандырар ажылды чорудуп турар бис - деп, Абаканда гарнизоннуң шериг прокурорунуң оралакчызы Артем Карамашев харыылаан.
Келдиргеннерге сүме.
7 октября 2022
44