Келдиргеннерге сүме

Долу эвес мобилизацияже келдирткеш, бодунуң акшазы-биле шериг хеп садып алган болза, ол чарыгдалды шериг кезээ эгидип бээр бе?

- Мобилизацияже келдириишкин алган хамаатыларны шериг кезектеринче тарадыр чоруткан соонда, даңзы ёзугаар оларны шериг кезээнге хүлээп алгаш, киир бижиир. Ынчан олар шупту керээ ёзугаар шериг албан-хүлээлгезин күүседир кижиниң кедер хеви, алыр ужурлуг халас хандырылгазын, өске-даа шупту көрдүнген магадылалды ап эгелээр. Мобилизацияже келдириишкин алган хамаатылар идик-хепче боттарындан акша чарыгдалы үндүрбес. Ол ышкаш боттарының акшазы-биле садып алган шериг хевиниң өртээн шериг кезээ эгитпес. Чүге дээрге шак-ла ындыг хепти шериг кезектеринде чүмү-биле халас хандырып турар.”