Келдиргеннерге сүме

Долу эвес мобилизацияже келдиртиишкин алгаш, шериг комиссариадынче барбайн барганда, кандыг чылдагааннарны чөптүг деп санаар?

Чөптүг чылдагааннар:

-Аар аараанда;
-Ада-иези, өөнүң ээзи, өөнүң ишти, уруг-дарыы, кады төрээннери, кырган-ачазы, кырган-авазы азы азырап алган уруг-дарыы берге байдалда аарып турар болза, ол ышкаш үстүнде айыткан чоок улузун сөөлгү оруунче үдеп турган болза;
-Хамаатының бодундан хамаарышпас чылдагааннар таваржы берген болза(чижээ, бойдус халавы);
- Шеригже келдиртилге комиссиязының айыткан чөптүг чылдагааннары бар болза.

Үстүнде айыткан чылдагааннар документиде бадыткаттынган болза, чүгле ынчан чөптүг деп санаар. Хамааты кээп шыдавас апарган болза, ол дугайында шериг комиссариадынга дарый-дүрген дыңнадыр ужурлуг.