Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Конституцияның 30 чылынга

16 декабря 2023
27

Декабрь 12-де Кызылдың Аныяктар ордузунга РФ-тиң Конституция хүнүнге болгаш Юристиң хүнүнге тураскааткан байырлыг хемчег болуп эрткен.

Болган хемчегге ТР-ниң Чазак Даргазының оралакчызы Виталий Бартына-Сады чаладып киришкеш, Владислав Ховалыгның мурнундан өөрүп четтириишкин бижиктерин бо хүнде халажылгада Кызыл хоорайның эптежилге судьялары – Роланда Иргит биле Полина Дадарга тывыскан.

“Бөгүн Тываның Чазаандан мындыг шаңнал алгаш, дыка өөрүп тур мен. Мээң ажылымны мынчаар бедии-биле үнелээни дээш четтиргенимни илеретпес аргам чок. Юрист мергежилим-биле болчукчу кылдыр ажылдап эгелээн мен. Оон Кызыл хоорайның “Восточный”девискээрин харыылап турар 2 дугаарлыг участоктуң эптежилге судьязы кылдыр 14 чыл ажылдааш, оон халажып үнген мен. А юрист мергежилим-биле ажыл стажы 20 ажыг чыл. Юрист ажылдың эң-не кол чүүлү шынчы болгаш хүлээнген ажылынга ак сеткилдиг болуру деп санаар мен. Кижилерниң салым-чолун шиитпирлээр хүлээлгени алган болганда, хоойлу-дүрүмге чагыртып, шынныг шиитпир үндүрүп ажылдаары чугула. Шииткекчилерниң шиитпири кадыг-дошкун болуп болур. Ынчалза-даа хоойлудан күштүг чүве чок” — деп, Роланда Иргит чугаалады.

Байырлыг хемчегни чаңчыл ёзугаар Россия Федерациязының хамаатызының кол документизи — паспорттарны 14 харлапкан 8 чалыы хамаатыга тывысканы-биле уламчылаан.

Тываның гуманитарлыг болгаш социал-экономиктиг тускай шинчилелдер институ дунуң (ТГШИ) төөгү секторунуң кол специализи Антон Асонычевтиң “Россия Федерациязының Конституциязы — 30 чыл” деп илеткелинден чыылганнар аразында, ылаңгыя аныяк специалистерге сонуурганчыг болгаш ажыктыг болган.
Чурттуң кол хоойлузунуң 30 чыл болган оюн демдеглээн байырлыг хемчегге ТР-ниң Юстиция яамызының чыл дургузунда чорудуп келген ажылының кыска допчулалын сайыт Евгений Мельников таныштыргаш, “Чылдың-на декабрь айда кол байырлалдар – Конституция хүнү биле Юристиң хүнүн Юстиция яамызы организастап эрттирип турар. Бо чылын бо байырлал – Конституцияның 30 чылы биске юбилейлиг болганы-биле онзагай. Аңаа уткуштур чыл дургузунда 25 хемчегни эрттирген бис. Оларның аразында “Эң дээре эгелеп чоруур юрист”, “Юрист мергежилдиң тергиини” республиканың дээди болгаш ортумак өөредилге черлериниң студентилериниң аразынга мөөрейлер, интерактивтиг лекциялар, делгелгелер дээш өске-даа. Ол ышкаш республиканың эрге-хоойлу органнарының ажылдакчыларының аразынга спортчу хемчеглер база эрткилээн” – деп, сайыт илеткээн.
Ооң соонда РФ-тиң Конституциязының 30 чыл оюнга тураскааткан байырлыг хемчегге эрге-хоойлу органнарында болгаш өске-даа албан организацияларда эки ажылдыг шылгараңгай юристерге яамының мурнундан шаңналдарны тывыскан.

Байырлыг хемчегге культура ажылдакчылары концерт номерлерин бараалгадып, чыылганнарга байырланчыг шинчи киирип турган.
Ол хүн республикада 215 юрист профессионал байырлалын демдеглеп эрттирген.

Карина МОНГУШ.

Буян ООРЖАКТЫҢ тырттырган чуруктары.


«Шын» №96 2023 чылдың декабрь 16