Улуг-Хем кожуунда "Азия төвүнүң көшкүн чоннарының парыгы" тудуунуң ажылы 85 хууда келген.
"Чурттаар оран-сава болгаш хоорай хүрээлели" деп национал төлевилел ёзугаар Шагаан-Арыг хоорайның Бай-Даг дааның эдээнде "Азия төвүнүң көшкүн чоннарының парыгы" деп бир тускайлаң, улуг хемчээлдиг тудуг ажылы кидин-түлүк чоруттунуп турар.
Тус черниң чагыргазының дыңнатканы-биле культурлуг объектиниң тудуу адакталып турар. Амгы үеде уруглар ойнаар шөлдүң дериглерин тургузар ажылдар чоруп турар.
"Парк боду өглер зоназы, янзы-бүрү хемчеглер эрттирер чер, уруглар шөлү, спортчу шөл, амфитеатр, өгленишкен аныяктарның болгаш хөй талалыг хемчеглерниң зоналары дээш элээн хөй кезектерден тургустунар" деп чагырганың тускай мергежилдиглери дыңнадып турар.
Улуг-Хем кожууннуң чагыргазының медээлеринден.