Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кызылдың чылыдылга четкизин чаартыр

6 апреля 2024
25

Кызыл хоорайны болгаш Кызыл кожууннуң төвү хоорай чергелиг Каа-Хем суурну чылыг-биле хандырылганың өртээн кызыгаарлаан зонага хамаарыштырар дугайында шиитпирни Россия Федерациязының Чазаа бадылаан.

Ол шиитпир Тыва Республиканың найысылалынга улуг хемчээлдиг инвестиция төлевилелдерин боттандырар арганы бээр. Кызыл хоорайны болгаш Кызыл кожууннуң төвү хоорай чергелиг Каа-Хем суурну чылыг-биле хандырылганың өртээн кызыгаарлаан зонага хамаарыштырар дугайында айтыышкынга РФ-тиң Чазааның Даргазы Михаил Мишустин холунуң үжүүн салган. Ону хоойлу-дүрүмнерниң албан ёзузунуң порталында парлаан.

Чылыг-биле хандырылганың өртээн кызыгаарлаан зонага оларны хамаарыштырганы Тывада эң улуг хоорай Кызылдың болгаш Каа-Хем суурнуң, ниити саны 140 муң ажыг чуртакчылыг черлерниң, чылыдылга четкизин чаартырынга болгаш хөгжүдеринге инвестициялар акша-хөреңгизин хаара тудар арганы тургузар.

Сибирьниң генерация компаниязы, Тыва Республиканың Чазаа болгаш Кызыл хоорайның мэриязының кады ажылдап кылганы программа ёзугаар модернизацияны боттандырарының хуусаазы чоокку 7 чыл, аңаа чарыгдаар акша 1,5 миллиард рубль. Программаны 2024 чылда-даа боттандырып кириптеринге Сибирьниң генерация компаниязы белен.

Инвестиция планнарынче чылыдылганың чаа четкилерин тударын, чылыдылганың шынарын болгаш магадылалдыын күштелдирери-биле эргилээн четкилерни чаартырын киирген. Хоорайның печка-биле чылыдар хууда бажыңнар районнарын төпчүткен одалга системазынга кожар арганы бээр хемчеглерни чылыдылга четкилеринге болгаш Кызылдың чылыг-энергетика төвүнге чорудар, ол ышкаш күчүзү эвээш болгаш экологтуг негелделерге дүүшпес одалга черлерин ЧЭТ-ке кожар программаны Сибирьниң генерация компаниязы саналдаан. Ол хемчеглер долгандыр бойдус хүрээлелинге хоралыг салдарны эвээжедир.

Тайылбыр: Россияда 43 муниципалитет чылыдылга адырынга өйлээшкинниң чаа методунче 2024 чылдың март айның төнчүзүнде шилчээн. СГК-ның харыысалгазында девискээрде Хакасияның үш муниципалитеттеринде, Алтай болгаш Красноярск крайларның, Кемерово болгаш Новосибирск областарның хоорайларында ындыг модельди ажыглап турар. Тыва Республиканың чоокку кожалары Красноярск крайны болгаш Хакасияны чылыг-биле хандырылганың өртээн кызыгаарлаан зонага хамаарыштырган ачызында оларда чылыг четкилериниң инфраструктуразын чаартырынга 20 миллиард рубль ажыг акша-хөреңгини хаара тудар арганы берген.

Красноярск хоорайны чылыг-биле хандырылганың өртээн кызыгаарлаан зонага хамаарыштырган ачызында эвээш күчүлүг одалга черлерин төпчүткен чылыдылга системазынга кожуп, чаартыр ажыл эгелээн. Крайның төвүнүң чылыдылга четкизинде 200 километр узун дурттуг хоолайларны солуп, 33 биче одалга төптерин ЧЭТ-ке кожуп чаарткан.

Хемчээл талазы-биле Хакасияда ийиги черде Черногорск хоорайның четкилеринде хөй чылдар дургузунда кылып чадап келген ажылдарны чорудуп, четкилерниң шынарын экижиткен. Шак-ла ындыг сорулгалыг төлевилелди Абакан хоорайның чылыдылга болгаш одалга черлеринге чоокку үеде кыска хуусаада боттандырар.

Бистиң корр.


«Шын» №26 2024 чылдың апрель 6