Хөй-ниити транспортунга эптиин көргүскен транспорт картазын ам Тывада ажыглап эгелээн. Эрткен күзүн республика Чазаа биле “Ажаалга банкызы” ПАН-ның аразында ат салган дугуржулгазының бир пунктузу езугаар «СберТройка» орук төлевир системазын киирген. «Тройка» тыва карта ийи аңгы хевирде каастаттынган: классиктиг база Тыва Республикага аңгы.
Эрткен чылдың октябрьда Тываның найысылалынга хөй-ниити транспортунга картаны шенээн. Тываның Баштыңы Владислав Ховалыг чаа автобустарга «СберТройканы» шенеп ажыглаарын чүүлдүгзүнүп, пассажирлер аргыжылгазының системазын эде чаартыр ажылдарга ол чугула рольду ойнаарын демдеглээн.
«Тройка» транспорт картазын ажыглааш, саазын билеттер парладырындан ойталап болур деп, Ажаалга банкызы ПАН-ның Сибирь банкызы тайылбырлаан. «Моя тройка» база «Метро Москвы» капсырылга таварыштыр – онлайн азы бүгү чуртта Ажаалга банкызының кайы-даа банкоматтарындан картаны долдуруп алыры эптиг.
50 рубль өртектиг «Тройка» картазын Дружба кудумчузу, 55 деп адресте «Автоколонна 17» транспорт компаниязының кассаларындан садып ап болур.
Алина Таспанчик, Ажаалга банкызының Кызылда салбырының башкарыкчызы:
«Кызыл хоорайның чурттакчы бүрүзү база аалчызы хөй-ниити транспортунга «Тройка» картазы-биле санажып болур. Ийи-чаңгыс азы 30 азы 60 катап чоруурунга абонентини садып алыр. «Тройка» картаның ажыглакчызы пассажирлер lkp.sbertroika.ru сайтыда хуу кабинеттен аай-дедир чоруп турганын көрүп, орук төлевириниң чегин хынап, банк картазы-биле өрезин дуглап, дстоп-хуудустан банк картазын ап кааптары эптиг».
ТР-ниң Чазааның парлалга албаны
Кызылдың хөй-ниити транспортунга «СберТройка» картаны ажыглалче киирген
2 февраля 2023
33