Изиг чайын сугга эштири дег онза чүве кайда боор. Найысылалдың Национал парыгында пляжтың ажыттынарын кызылчылар четтикпейн манап турар.
Хоорайның кол пляжын келир неделяда ажыдар деп планнап турар. Ооң девискээрин аштап-арыглаар ажылдар адакталган. Пляж СанПинниң негелделеринге дүүшкен турар ужурлуг.
«Амгы үеде пляжты долгандыр кажаалаан, чаагайжыдылга ажылы уламчылап турар. Бо хүнде сугнуң болгаш элезинниң хыналдазын кылган. Шупту негелделерге дүгжүп турар» — деп, пляжтың директору Радислав Оюн чугаалаан.
Россияның Президентизиниң бот-идепкейи-биле эгелээн «Туризм болгаш хүндүлээчел чоруктуң индустриязы» деп национал төлевилелдиң ачызында бир дугаар албан ёзузу-биле ажыдар пляж болуп турар. Ында идик-хеп солуур үш өрээл, үш арыгланыр чер, кафе, сцена, беш улуг зонт база ийи беседка немешкен.
Пляжтың албан ёзузу-биле ажыдыышкыны болбаан шаанда, аңаа эштири хоруглуг дээрзин пляжтың директору дыңнаткан. Тываның аварийлиг-камгалал албанының начальниги Чиңгис Монгуштуң чугаазы-биле алырга, керээ езугаар пляжка хүннүң-не ийи камгалакчы ажылдаар.
Пляжка эштип турар үеде шупту чурумну сагыырын камгалакчылар чурттакчы чонга сагындырып турар.
ТМГ-ниң медээлеринден А. СОЯН белеткээн.
«Шын» №46 2024 чылдың июнь 22
![](https://shyn.ru/media/cache/2024/06/24/sb6g7dzhiwe-feb3ed6577.jpg)
![](https://shyn.ru/media/cache/2024/06/24/1jttnifkvo-fc49b952aa.jpg)
![](https://shyn.ru/media/cache/2024/06/24/3ung8v1i8e4-dd6da7827d.jpg)
![](https://shyn.ru/media/cache/2024/06/24/biwmi9cwyy8-da624b363e.jpg)
![](https://shyn.ru/media/cache/2024/06/24/d0i5jks5y3y-73d0e93c9e.jpg)
![](https://shyn.ru/media/cache/2024/06/24/f8-pkkk3aom-cc189da219.jpg)
![](https://shyn.ru/media/cache/2024/06/24/hz6xzap6sbg-d83fd55d93.jpg)
![](https://shyn.ru/media/cache/2024/06/24/keplvoe9ja8-3b85365ae8.jpg)
![](https://shyn.ru/media/cache/2024/06/24/nf85qdljdly-129fe1cc18.jpg)
![](https://shyn.ru/media/cache/2024/06/24/px85kcbiox0-1-771fd876e2.jpg)