Кызыл хоорайның девискээринде хемниң ол чарыының чурттакчыларынга чаа спорт залы ажыттынар дээн. Ону январь ай төнмээнде ажыглалче киирери планнаттынган.
Ам-на ол чарыктың чурттакчылары чурттап турар черинден ырак эвесте 852 дөрбелчин метр шөлдүг спорт залынга хостуг үезин ажыктыг кылдыр эрттирип, кадык-чаагай амыдыралды деткиири-биле ажы-төлүн эдертип алгаш, дыштаныр аргалыг болур. Ол ышкаш ук спорт залынга социал байдалы чедимче чок өг-бүлелерниң ажы-төлү халас барып, күш-культураже сонуургалын уламчылап болур. Шак ындыг уруглар ол чоокта микрорайонда 100 ажыг кижи болуп турар.
Кызылдың мэриязының медээзи болгаш чуруктары.
"Шын" №4 2024 чылдың январь 20
