Аңгы-аңгы чурттарда аныяк болгаш узун назынны кадагалап арттырарының ховар дээн чажыттары болгаш чаңчылдары бар.
Японияның дыка хөй чурттакчылары узун назылыг. Ол чүгле генетика-биле харылзаалыг эвес. Японнар шын чемненилгеже, спорт-биле өңнүктежиринче база шайлаашкын ёзулалынче дыка улуг кичээнгей салып турар.
Грецияда оливки үзү, ногаа-чимис, тоорук-биле байлак «средиземноморжу диетаны» узун назынның үндезини деп санап турар.
Кыдаттар акупунктурага (инелер-биле эмнээшкин), оъттарлыг шайларга база сагыш-сеткил болгаш күш практикаларынга дыка ынак. Ол аргалар мага-боттуң күжүнүң турум байдалын тударынга болгаш кадыкшыл быжыктырарынга дузалаар.
Мурнуу Кореяның чурттакчылары мага-боттуң кежиниң ажаалдазынче улуг кичээнгейни салып турар. Олар арын кежин шыгыдар, хүнден камгаланыр болгаш массаж кылыр доктаамал чаңчылдарлыг.
Ажыл биле дыштанылга аразының балансызын шведтер дыка үнелээр. Ажылынга узун шөлээлээри болгаш үргүлчү чапсарлаары ында албан.
Испанияның чурттакчылары эш-өөрү-биле ужуражылгаларга болгаш өг-бүле обедтеринге дыка ынак. Ол чүүл оларның суларап дыштанырынга болгаш сагыш-сеткил дүвүрелин оожургадырынга дузалап турар.
Кырыырынга чедир омак-сергек хевээр артып калырынга танцы-сам, бут бөмбүү болгаш кезээде эки хөөн бразилчилерге дузалап турар.
“Шын” №30 2024 чылдың апрель 20
