МЕРГЕН ЧУГААЛАР

❋ Аал-оранның ыжы өске черниң одундан чырык.
❋ Аас-кежик — адааргакка хоран.
❋ Аас-кежик — сагыш-сеткилдиң байлаанда.
❋ Аас-кежикче орук ажыл-херек-биле туттунар.
❋ Ада кижиниң ажы-төлүнге кылып болур чүүлү — оларның авазынга ынак болуру.
❋ Ажыл-иш чокта, аас-кежик турбас.
❋ Акша чок эр — чалгыны чок куш.
❋ Акша — ол дээрге амыдыралдың хүнү-дүр, ол чокта чуртталга берге, муңгаранчыг болгаш соок.
❋ Алырындан бээри тааланчыг.
❋ Алдарны бүгү назыда дилээр, чаңгыс хүн чидирер.
❋ Аныяк карак чидиг, кырган карак хандыр көөр.
❋ Аныяк кыстың чүрээ — ажыттынмаан ном.
❋ Баштай ынакшыл, оон өг-бүле. Баштай чалбырааш, оон ыш.

Хоолгалаан.