Иркутск облазындан “ИрАэро” командазы тиилекчи болган. Ийиги черни Хакас Республикадан “ЛигаПро” командазы чаалап алган. Үшкүзүнге Тыва Республиканың “Мажалык” командазы төлептиг болган.
Тиилекчилерни медальдар, кубоктар болгаш акша сертификаттары-биле шаңнаан.
Тыва Республиканың спорт сайыды Субудай Монгуш: “Ук маргылдааларның кол сорулгазы бистиң футболистеривиске боттарының салым-чаяанын ажыдар болгаш спорттуң кайы-даа хевиринге сайзыраар арганы бээри болур” – деп демдеглээн.
Тиилекчи командаларга байырдан чедирип каалыңар!
