♦ Бедик ээжектиг идиктерни баштай эр кижилер кедип турган. Ындыг идиктерни чараш болзун дээш эвес, а шериг кижилерге эптиг болзун дээш чогааткан — аъттың эзеңгизинге тептинеринге эптиг. Оон ол ээжектер дворец ордуларже дамчааш, чоорту кыс улустуң хеп-сынынче шилчээн.
♦ Шаанда херээженнерге аңгы кармак-барбалар турган. Амгы үениң кармактары тыптыр мурнунда кыс улус платьезиниң эдээнге, белинге шарып каан бичии хапчыгаштар эдилээр турган. Оон хеп-сынны кедерге, эптиг, эът-кешке өй кылдыр даарап эгелээн. Ынчан кармактарны хептиң даштынче таарыштыр даараар чаңчыл тывылган.
♦ Джинсы чүвүрлерде бичии кармакчыгашты чоостар шыгжаарынга эвес, а кармак шагы сугар кылдыр чогааткан. Амгы үеде кармак шактары ажыглавастаан-даа болза, ол бичии кармакчыгаштар хевээр арткан. Джинсы даараар чаңчылды үревези-биле кармакчыгаштарны ол-ла хевээр арттырган.
♦ Ягаан-кызыл өңнү шаанда эр улустуң өңү кылдыр санаар турган. Дыка үр үе дургузунда ягаан-кызыл өңнү күш-шыдалдың, эрес-дидим чоруктуң өңү – кызыл өңнүң бир янзызы кылдыр хүлээр турган. А ак-көк өңнү кыс улуска чоок — хоюг болгаш арыг өң кылдыр холбап көөр. Ол чүгле ХХ векте өскерилген.
♦ Эр биле херээжен улустуң өөктери ийи аңгы талада турары анаа таварылга эвес. Эр улустуң хевинде өөктер солагай, а кыс улустуң — оң талазында. Ооң бир тайылбыры: эр улус боттары кеттинер, ынчангаш эптиг кылдыр солагай талазынга кылган. Херээженнерни болганчок айбычылары кедирер турган, ынчангаш кедирер кижиге өөктээринге эптиг кылдыр чогааткан.
Чуруктарны интернеттен хоолгалаан.
“Шын” №1 2026 чылдың январь 15
