«Моолда тываларның ёзу-чаңчылдары» деп серияның бирги кезээ «Моолда Сенгел тываларының чаңчылдары (дылының, культуразының материалдары)» деп ажылдың 3-кү немелделиг үндүрүлгези чырыкче үнгенин Тываның гуманитарлыг болгаш тускай эртемнер шинчилээр институду дыңнаткан.
Полина Серенниң «Моолда Сенгел тываларының чаңчылдары (дылының, культуразының материалдары)» деп ажылы бир дугаарында 2006 чылда, а ийи дугаары 2016 чылда, 3-кү немелделиг үндүрүлгези 2022 чылда чырыкче үнген. Ук ном “Моолда тываларның чаңчылдары” деп серияның бирги кезээ.
Ук ном эртемденниң каш чылдар дургузунда Сенгел сумузунга барып чедип, шинчилел ажылы чорудуп, чыгган материалдарынга үндезилеттинген.
Ном үш эгеден тургустунган. Ийи эге кижиниң үш доюн эрттирериниң ёзулалдарын киирген. Үшкү эгеде сөстерниң словарын, ёзулалдарның тайылбырын база ажыглаарга эптиг болдурары-биле сөстерниң айтыкчызы, база чугаазының үлегерин, йөрээлдерни киирген. Сенгел тываларының ажыл-амыдыралын көргүскен чуруктар база бар.
Номну эртемденнерге, башкыларга, студентилерге, өөреникчилерге болгаш тываларның ёзу-чаңчылдарын сонуургап чоруур номчукчуга дуза кылдыр үндүрген.
Моолда тываларның ёзу-чаңчылдары.
16 октября 2022
50