Май 12-ден 19-ка чедир «Россия» делгелгезинге Россия чергелиг куда фестивалы болуп эгелээн. Аңаа Россияның аңгы-аңгы булуңнарындан 150 аныяк өг-бүле бадыланчырынга белен. Оларның аразында Тывадан ийи аныяк өг-бүле киржир.
Май 12-де Денис Сотпа биле Олча Ооржак өгленген. Денис – Таңды кожууннуң «Таңды-Уула культура одааның» директору, а Олча – Чеди-Хөл кожууннуң культура эргелелиниң бухгалтери.
Май 14-те Александр Агбаан биле Солаңгы Тамдын өгленир. Александр хууда хлеб быжырар черниң эргелекчизи, а Солаңгы «Водоканал-Сервис» КХН-ниң килдис эргелекчизи болуп ажылдап чоруур.
Россия чергелиг акцияга киржир дээн ийи аныяк өг-бүлениң Кызылдан Москвага чедир оруунуң өртээн хууда сайгарлыкчылар «HITE» ресторанның ээлери Артем Ли биле Чейнеш Ооржак олар садып берген.
Тываның Москвада бүрүн эргелиг төлээ чериниң медээзинден А.ОНДАР белеткээн.
