Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Надя Рушевага тураскаал

4 октября 2023
13

Сентябрь 29-та найысылалга делегейде ады-сураа алгаан чурукчу кыс Надя Рушевага тураскаалды ооң адын эдилээн уругларның уран чүүл школазының сесерлиинге байырлыг байдалга ажыткан. Кыска чуртталгазының дургузунда ол чаңгыс кижиниң бүгү назында безин күш четпези эгээртинмес чурулга өнчүзүн арттырып каан. Салым-чаяанныг совет чурукчу-график Надя Рушеваның ады бүдүн делегейге билдингир апарган. Ооң адазы — Москва театрының чурукчузу, а авазы — Тываның баштайгы балериназы. Бо тураскаал Тываның чурттакчыларынга белек болур.

Тураскаалдың төлевилелин бурунгаарладырынга Тываның Баштыңы Владислав Ховалыгның кичээнгейи улуг деткимчени көргүскен.

«Бо болуушкуннуң чогуп бүдеринге үлүг-хуузун киириштирген кижилерге, Надя Рушева аттыг фондуга, саң-хөө деткимчезин көргүскен улус-чонумга болгаш регионнуң хөй санныг компанияларынга өөрүп четтиргенимни илередип тур мен.

Бистиң сураглыг скульпторувус, улусчу ус-шевер Байза Ондарның ажылы Надя Рушева аттыг уругларның уран чүүл школазының сесерлиинде туружун ээлээн. Хоорайның төвүнде, хем кыдыында черде тураскаал Кызылдың тураскаалдыг черлериниң бирээзи апаарынга бүзүрээр мен. Эрткен чылын чурукчунуң 70 харлаанынга тураскаадып, чаа туттунуп турар кварталдың сесерлиинге Рушевтерниң өг-бүлезиниң адын тывыскан. Кызылчыларны, республиканың чурттакчыларын шагда манааны бо болуушкун дээш байыр чедирип тур мен” — деп, Тываның Баштыңы Владислав Ховалыг демдеглээн.
Тураскаалдың төлевилелиниң ажылы 2019 чылда-ла эгелээн, ынчан профессионал скульпторларның ортузунга Надя Рушевага тураскаалдың эң дээре дөзевилелинге мөөрейни чарлаан турган. Аңаа Тыва Республиканың улусчу шевери Байза Ондар тиилээн. Авторнуң бодунуң чугаалап турары-биле алырга, эң эки хевирни шилип алыры-биле төлевилелдиң үш майыын кылган турган. Үш хевирден эң сөөлүн шилип алган.

«Майыктың чогаадылгазын Тываның Баштыңы-биле база ооң өөнүң ишти-биле кады кылдывыс. Удаваанда үшкү хевирге доктаадывыс. Мээң бодалым-биле алырга, аныяк чурукчунуң овур-хевирин дамчыткан бо тураскаал бир-ле ээлдек-чассыг, ужугуучал көстүр-дүр” — деп, Байза Ондар чугаалаан.

Тураскаалдың бодун Смоленск хоорайга хүлерден куткан болгаш ооң деңзизи 600 кг хире.

Надя Рушевага тураскаалдың төлевилелин боттандырары-биле ооң төрелдери болгаш республиканың культуразының болгаш эртеминиң ат-сураглыг кижилери уругларның болгаш элээдилерниң чогаадылгазын деткиир фондуну тургускан турган. Фондунуң директору Херел Бадарчының чугаазы-биле алырга, бүдүн Россияның иштинде Надя Рушеваның овур-хевирин көргүскен тураскаал болур.

А. ХЕРТЕК белеткээн.

Буян Ооржактың тырттырган чуруктары


«Шын» №75 2023 чылдың октябрь 4