«Социал керээ» күрүне программазы республиканыӊ суурларынга, хоорайларынга хуу сайгарлыкчы ажылды эгелеп алырынга эӊ-не эптиг, таарымчалыг арга болур. Күрүне программазыныӊ ачызында элээн хөй улус боттарыныӊ күзелиниӊ, кылып шыдаар ажыл-мергежилиниӊ талазы-биле сайгарлыкчы ажылды эгелеп, шуудап амыдырай бергеннер.
Аянгаты суурнуӊ чурттакчызы Чечекей Эник-ооловна Ооржак ̶ оларныӊ бирээзи. Ол ногаа аймаа болгаш картофель тарып өстүрериниӊ талазы-биле социал керээ чарып алгаш, теплица кылып, янзы-бүрү ногаа культураларын тарып олурткан. Чайны өттүр ногааларын ажаап карактап өстүрүп келгениниӊ түӊнелинде, элбек дүжүттү ажаап алган.
Кызыл-Мажалык суурнуӊ хүн-ноян Буян-Бадыргы шөлүнге болур «Алдын күс» ярмарказынга элбек дүжүдүн ̶ томат, перец, согуна, свекла болгаш картофедьди садарынга белеткеп ап турар.
Барыын-Хемчик кожууннуӊ медээлеринден Р.Демчик белеткээн.
Ногаажының элбек дүжүдү
5 сентября 2023
25