Тыва Республиканың Одалга болгаш энергетика яамызы одалга сезону эгелээриниң бетинде, элээн каш кол чүүлдерге тайылбырны берген.
Россияга одалга сезонун эгелээр тускай айыткан ай-хүн чок. Агаар-бойдустуң байдалын көрүп тургаш, одалганы эгелеп, чылыг бээрин тодарадыр. Ынчалза-даа хөй кезиинде күстүң башкы айы сентябрь айның ортан үезинде хоорай чурттакчыларынга чылыгны бериптер.
Одалга сезонун эгелээр- эгелевезин тодарадыр эң-не кол чүүл – даштын агаарның температуразы. Ортумаа-биле +8 градус азы оон хөй болур болза, чылыгны бербес. А бир эвес + 8-тен эвээжей бээр болза, төп одалга системазында коштунган бажыңнарның чылыын дараазында хүн дарый бээр ужурлуг. Ол дүрүм Россия Федерациязының 354 дугаарлыг доктаалында быжыглаттынган.
Одалга сезонун эгелээр дугайында шиитпирни тус черниң чагырга чериниң харыысалгалыг ажылдакчылары, метеорология албан чериниң демдеглээн документизинге үндезилээш, хүлээп алыр ужурлуг.
Эмнелгелер, уруглар садтары дээн ышкаш албан черлерин чылыг-биле хандырары бирги черде. Ооң соонда ээлчег чуртталга бажыңнарында болгаш янзы-бүрү өөредилге черлери, административтиг албан черлеринии болур ужурлуг.
Бистиң корр.
Чурукту интернеттен хоолгалаан.
“Шын” №35 2005 чылдың сентябрь 11