Сөзү Зоя Амыр-Донгактыы.
Аялгазы Михаил Хомушкунуу.
Чайгы шагның чечээ ышкаш саглаңнадыр,
Сарыг оглум хүнден хүнче мандып өс-ле.
Ада-чурттуң алдар-адын камгалажыр,
Арын-нүүрүң кезээ шагда арыг чорзун.
Чылдар эртер, эъдиң-ханың четчип өскеш,
Шыдал-күжүң харамнанмайн ажылдаар сен.
Ынай чашка ада болур кежиктиг бол,
Ынааң кыска ынаныштыг идегел бол!
Аваң чагыы аа сүт дег буянныг бооп,
Амыдырал чырык орууң баштап кагзын.
Узун ырлыг Улуг-Хемниң агымы дег,
Уруг эжиң ынакшылы төнмес болзун!
