2023 чылдың февраль айда Россия болгаш Тывага хамаарышкан календарьда айыттынган төөгүлүг хүннер:
● 1943 чылдың февраль 5-те ТАР-ның Төп Комитеди маадырлыг Кызыл Шеригге дузаламчыга чыгган белектериниң үшкү эшелонун чорудар дугайында доктаалды үндүрген. Оон бээр бо чылын 80 чыл болуп турар;
● “1942 чылдың декабрь 25-ке чедир үшкү эшелонче 876285 акшага белектер 65 вагон четкен. 1943 чылдың февраль 5-те ТАР-ның Төп Комитединиң секретары эш Токага баштаткан тыва арат чоннуң делегациязы маадырлыг Кызыл Шеригге дузаламчыга чыгган белектериниң үшкү эшелонун үдеп чедирери-биле Совет Эвилелинче үнүпкен” дугайында “Тувинская правда” солуннуң 1942 чылдың 98 дугаарлыг үндүрүлгезинге бижээн;
● Февраль 15 – Интернационалчы дайынчының сактыышкын хүнү, 1989 чылда Афганистандан совет шериглерни үндүрген хүн;
● Февраль 21 – Ша- гаа – тыва чоннуң ай санаашкыны-биле чаа чылды уткаан национал байырлалы – чаагай сеткилдиң, чаартылганың, арыглаашкынның байыр- лалы;
● 1981 чылдың февраль 23-те Туран хоорайга Сафьяновтар аттыг музей ажыттынган.
● Февраль 23 – Ада-чурт камгалакчызының хүнү. Бо байырлалды ССРЭ үезинде “Совет Армия болгаш Шериг-далай флодунуң хүнү” деп калбаа-биле демдеглеп турган.
● 1973 чылдың февраль 23-те Тыва АССР-ниң Сайыттар Чөвүлелиниң шиитпири-биле “Милицияның уругларга өрээлдерин ажыдар” дугайында доктаал үнген. Оон бээр 50 чыл болур.
