Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ооржак Тумен-Байыр аттыг школа 80 харлаан.

30 октября 2022
10

Эки кылган ажыл

Элеп читпес алдар

Школавыс директору Түмен-Байыр Арын-оолович арат-чонунуң ажы-төлү дээш амыр-дыш чок, ак сеткилдиг ажылдап каан. Ынчангаш төрээн школавыс башкывыстың адын эдилеп чоруурунга чоргаарланып чоруур бис.

Бо хүнде Екатерина Ыйдымбууевна Ондар хөй чылдар дургузунда школаны билдилии-биле эки удуртуп чоруур, алдар-аттыг, хөй шаңналдарлыг, хүндүткелдиг башкы. Ол Россия Федерациязының, Тыва Республиканың өөредилгезиниң алдарлыг башкызы хүндүлүг аттарның эдилекчизи, Сүт-Хөл кожууннуң хүндүлүг ажылдакчызы.

Алдан-Маадыр школазы кожууннуң школаларының аразында эки ажылдыг. Школа хөй чылдар дургузунда республикага чарлаттынган аңгы-аңгы мөөрейлер, олимпиадаларның, спортчу маргылдааларның тиилекчизи. Өөреникчилериниң билии шыырак, чуруму эки.

Школаның коллективи эп-найыралдыг, бурунгаар тура-соруктуг.

Бо чылын эге школазының капиталдыг септелгезин эки кылган. Чаа өөредилге чылында эге класстар башкылары, өөреникчилери чырык, чылыг, арыг-силиг школада өөренип киргеннер.

Кандыг-даа эртемнерниң каңнакчызы башкы болгай. Бир эвес башкылар чок болза, эртем-билиг чедип алыры болдунмас. Башкы эртеми эң-не хүндүткелдиг мергежилдерниң бирээзи.

Бүгү чуртталгазын башкының белен эвес, чымыштыг ажылынга өргүп чоруур хүндүткелдиг башкылар: Мария Кошкар-ооловна, Уран Маадыр-ооловна, Надежда Дугаровна, Раиса Шаңгыр-ооловна, Салбак Бегзиевна, Урана Дыгбашовна, Азиана Борисовна, Алена Мочак-Караевна, Алена Викторовна, Зоя Серен-Доржуевна, Алена Чечек-ооловна, Анай-Хаак Петровна, Омак Владимирович.

Школаның эки ажылдыг ажылчыннарынга Гагарин Назын-оолович, Марина Кызыл-ооловна, Чойган Бурун-кысовна хамааржыр.

Мооң мурнунда чылдарда үре-түңнелдиг ажылдап чораан башкылар: Александр Федорович, Раиса Шолбан-ооловна, Зоя Хоолур-ооловна, Чыргал-оол Тангытович, Надежда Тюлюшовна, Светлана Тулушовна, Валерий Самбыл-Норбуевич, Клара Алдын-ооловна, Кертиней Сереновна, Зоя Дупчуновна, Дарья Эрес-ооловна, Хөвең Шүрженовна, Чечек Букууевна, Хопуя Коошбалыкович, Татьяна Шалдан-ооловна, Вера Монгушовна, Урана Токпак-ооловна, Клавдия Социаловна.

Башкылаашкын ажылы берге-даа болза, эң-не солун ажыл. Башкы – буянныг, харыысалгалыг мергежил, ону шилип алырынга эртем-билигге өөредип чораан башкыларының салдары улуг, ону утпайн чоруур болза эки. Мен Алдан-Маадыр 8, 10 чыл школаларынга 40 чыл ажылдадым.

Чаа ажылдаан аныяк башкыларга шыдамык, кызымак, бергелерге торулбас, уругларга ынак болурун чагып сүмелээр-дир мен.

Башкы кижи кандыг болурул? Талантылыг, чурукчу, шүлүкчү, артист, психолог, сүмелекчи, дагдыныкчы – ол төнчү чок хөй талаларлыг болур.

Ажылдап, амыдырап чораан школам-биле чажыт мен, бо чылын 80 харладым.

Школавыстың 80 чылдаан байырлалын таварыштыр аңаа ажылдап чораан хоочун башкыларга база амгы үеде ажылдап турар башкыларга узун орукту, чедиишкиннерни, кадыкшылды күзедим.

Чылбак Монгуш,

күш-ажылдың хоочуну,

Россия Федерациязының хүндүткелдиг башкызы.