Апрель 17-ден тура Тываның Чазааның кежигүннери 2023 чылда ажыл-чорудулгазының дугайында отчётту чурттакчы чонга таныштырып эгелээр.
Чаңгыс чер чурттугларының санал-оналдарын дыңнаары эргежок чугула дээрзин Тываның Баштыңы Владислав Ховалыг бодунуң блогунга бижээн:
"Президентиниң нацтөлевилелдериниң, федералдыг болгаш республика программаларының ачызында херек кырында чедип алган бистиң түңнелдеривисти улус даарта көрүп каар. Ол дээрге чаа социал объектилерниң тудуу, бар албан черлериниң үндезин септелгези, оруктар участоктарының, көвүрүглерниң чаартылгазы-дыр. Ооң соонда чүү болурул деп айтырыг дыка хөй улусту сонуургадып турар. Кандыг чаартылгалар оларның суурларын болгаш кожууннарын манап турарыл?"
Тываның Дээди Хуралы (парламентизи) апрель 23-те часкы сессияның ээлчег чок хуралын эрттирер, аңаа 2023 чылда Чазактың ажылының түңнелдериниң дугайында илеткээр.
Бистиң корр.
“Шын” №29 2024 чылдың апрель 17