Владимир Путин: бистиң улуг, эп-найыралдыг өг-бүлевистиң үнелиг чүүлдери бар.
Өг-бүлениң үнелелдери Россияның ниитилелин сырый каттыштырары чугаажок. Ол дугайын Бүгү-российжи “Төрээннер — ынактар” шуулганынга тураскааткан Өг-бүле чылының эгелээнин демдеглээн байырлыг ёзулалга Россияның президентизи Владимир Путин чугаалаан.
“Хөйнү чугаалаайн: Россия дээрге, шынап-ла, кайгамчык улуг өг-бүле-дир, өг-бүлелерниң өг-бүлелери деп чугаалап болур. Мында чүс-чүс чылдар дургузунда янзы-бүрү язы-сөөктүг кижилер тайбың болгаш эп-найыралдыг чурттап чоруур, а оларның культуралары, дылдары, ёзу-чаңчылдары оларны аңгылаштырбайн, харын-даа Россияны каттыштырып турар. Чүге дээрге бистиң улуг, эп-найыралдыг өг-бүлевистиң ниити үнелелдери бар. Олар бисти күштүг, боттарывыска бүзүрелдиг кылып, сырый каттыштырып турар” – деп, күрүне баштыңы демдеглээн.
Кажан мындыг канчаар-даа аажок улуг чурт демнигде, кандыг-даа бергелерни ажып эрте бээр, кажан бис кады турувуста, кандыг-даа сорулгаларны чедип алырынга президент бүзүрээр. “Кажан үргүлчү бот-боттарынга дузалажып, деткижип турар хөй ажы-төлдүг улуг өг-бүле турда, бистиң ышкаш кайгамчыктыг ажы-төл өзер” – деп, Владимир Путин демдеглээн.
