Президентиниң бүрүн эргелиг төлээзи Монополияга удур федералдыг албанның Новосибирск облазында эргелелиниң начальниги Дмитрий Сухоплюев-биле өртектерни турум тудар хемчеглер дугайында чугаалашкан.
Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев Монополияга удур федералдыг албанның Новосибирск облазында эргелелиниң удуртукчузу Дмитрий Сухоплюев-биле ажылчын байдалга ужурашкан.
Ужуражылгага Россияның Монополияга удур федералдыг албанының Сибирь федералдыг округта девискээр органнарының ажыл-чорудулгазының чамдык угланыышкыннарда түңнелдерин, ол ышкаш ведомствонуң келир чылда кол сорулгаларын сайгарган. Округтуң регионнарында өртектерни турумчудар талазы-биле чорудуп турар хемчеглер – ужуражылганың кол темазы болган.
Россия Федерациязының субъектилериниң күрүне эрге-чагырга органнары биле ажыл-агый субъектилерниң аразында чарган өртектерни турумчудар дугайында дугуржулгалар социал ужур-дузалыг барааннар өртектериниң өзүлдезин кызыгаарлаарынга чедимчелиг арга болур. Ынчангаш Россияның Чазаа ол хуусааны 2029 чылдың декабрь 31-ге чедир узаткан. Эрткен үе дургузунда чурттуң 71 регионунда, ооң иштинде округ федерациязының субъектилерниң көвей кезиинде ындыг дугуржулгалар чардынган деп Дмитрий Сухоплюев бүрүн эргелиг төлээге дыңнаткан.
Хамаатылар Россияның Монополияга удур федералдыг албанының «изиг шугумунче» бараан-сараан, ажылдар, ачы-дуза өртектериниң чөптүг эвес өзүлдезинге, ол ышкаш оларның чедишпес байдалдары тыптып келгенин дарый дыңнадып болур.
Дмитрий Сухоплюевтиң бүрүн эргелиг төлээге дыңнатканы-биле алырга, хыналдаларның үндезини болуп турар хамаатыларның хомудалдарының хөй кезиин коммунал ачы-дуза өртектериниң өскенинге, электри болгаш газ четкилеринче кожарының саадаашкыннарынга, одаар чүүл өртээниң өскенинге хамааржып турар. Аңгылаашкын чокка ачы-дузаны алырының болгаш электри четкизинге кожарының (технологтуг кожулда) чурумунче, ооң иштинде даг-болбаазырадылга ажылдарынче, онза кичээнгейни угландырган.
Хоойлу езугаар национал төлевилелдер күүселдезин хайгаараарынче онза кичээнгейни салган. Сөөлгү чылда Россияның Монополияга удур федералдыг албанының округтуң регионнарында органнары 224 чурум хажыдыышкыннарын илередип, оларны эдеринге 86 айтыышкынны берген.
Оон ыңай Монополияга федералдыг удур албанның Новосибирск область талазы-биле эргелелдиң начальниги округ федерациязының субъектилеринге садыглажылга эрттирерде, социал рыноктарда адааннажылгага удур дугуржулгаларын бадыткап, ону чайладырының эки үлегер-чижектериниң дугайында бүрүн эргелиг төлээге дыңнаткан.
Анатолий Серышев Россияның Монополияга удур федералдыг албанының шиитпирлээн айтырыгларының көвей кезии кижилерге дорт хамааржыр чугула ажылдар болган деп демдеглээн.