Сибирьниң прокурорларынга болгаш ведомствонуң хоочуннарынга профессионал байырлалы – Прокуратура хүнү-биле байыр чедирип тур мен! Прокуратура органнары бодунуң төөгүзүнде российжи чонга бараалгаар бедик сорулганы сагып келген. Хоойлу-дүрүмнүң тергииделин болгаш күрүнениң база ниитилелдиң эрге-хоойлу үндезиннерин быжыг камгалап турар силер.
Хамаатыларның эргелерин болгаш хостуг чоруун доктаамал камгалап, хоойлу-дүрүмнү эгидип, кара туразында аажылалга болгаш чөптүг эвес чорукка удурланып тургаш, Россия күрүнезиниң эрге-хоойлу үндезинин быжыглап турар силер. Прокуратура системазы федералдыг болгаш регионалдыг хоойлужудулганы сагыырын хандырып, коррупция болгаш организастыг кем-херек үүлгедии-биле боттуг демисежип турар.
Бөгүн, кажан бистиң чуртувус бот-догуннаашкынын быжыглап турар үеде, прокуратура органнарының идепкейжи ажылы онза чугула. Мурнады боттандырар сорулгаларның аразында: тускай шериг операциязының киржикчилериниң болгаш оларның өг-бүле кежигүннериниң эргелерин сагып турарын шыңгыы хайгааралга алыры, күрүнениң камгалал чагыын күүседири. Национал төлевилелдерниң болгаш программаларның күүселдези, экономиканың чугула адырларынга экономиктиг деткимчениң хемчеглери онза кичээнгейниң девискээринде болуп артпышаан.
Кем-херек үүлгедиишкини болгаш экстремизм, бюджет акша-хөреңгизиниң шын эвес чарыгдалы-биле демисел – прокурорларның ажылының эң чугула ниитилел ужур-уткалыг угланыышкыннары. Амыдыралдың берге байдалынга таварышкан кижилерге силерниң дузаңар, оларның эрге-ажыын болгаш хоойлу езугаар сонуургалдарын камгалап турарыңар онза үнелелге төлептиг.
Ажылыңарга чаа-чаа чугула үре-түңнелдерни чедип алырыңарга бүзүрээр мен. Ведомствонуң ажылдакчыларының бедик арга-мергежили, ханы билиглери болгаш хүлээлгезинге бердингени – аңаа бадыткал. Прокуратураның хоочуннарынга улуг Төрээн чуртувустуң чаагай чоруу дээш шынчы болгаш могаг чок күш-ажылы дээш, сеткилимниң ханызындан өөрүп четтириишкинниң сөстерин илереттим.
Эргим эштер! Силерге болгаш чоок кижилериңерге быжыг кадыкшылды, ам-даа ак орукту, бүгү-ле эгелээшкиннериңерге чедиишкиннерни күзедим!
Байырлал-биле!
Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев