Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Путин-биле чылды түңнеп

14 декабря 2023
26

Неделяның онзагай болуушкуну

Бөгүн, декабрь 14-те, Владимир Путин дорт эфирге бүгү регионнарның журналистериниң болгаш чурттакчыларының айтырыгларынга харыылаар. Чылдың эртер улуг парлалга конференциязы биле 20 дугаар юбилейлиг дорт эфирни чаңгыс хемчег кылдыр каттыштырган. Бо чылын Тываны «Тува 24» телеканалдың журналистери Буян Монгуш биле Чинчи Кашпык-оол төлээлээр.


Россияның Президентизиниң дорт эфири биле түңнел парлалга-конференциязы бо неделяның эң-не манаанывыс бир онзагай болуушкуну болур. Айтырыгларны чаңчыл езугаар чурттуң шупту регионнарындан аккредитация эрткен журналистер салыр.

Владимир Путинниң дорт эфиринге болгаш парлалга конференцияларынга Тываны дараазында журналистер мурнунда чылдарда төлээлеп турган: Айлаңмаа Даржаа (2008 ч.), Роланда Казачакова (2012, 2017 чч.), Александр Филатенко (2014 ч.), Альмира Сенди (2017 ч.), Александр Куулар (2017 ч.), Азиана Чадамба (2018, 2019 чч.), Татьяна Рамазанова (2020 ч.), Ольга Возовикова (2021 ч.).

«2014 чылдың декабрь айда Россияның Президентизиниң парлалга конференциязынга киржир аргалыг болганымга чоргаарланып чоруур мен» — деп, «Тувинская правда» солуннуң кол редактору Алексанедр Филатенко чугаалаан.

Ол ышкаш онзагай плакаттарының ачызында федералдыг каналдарның хөй-хөй репортажтарының маадыры болган Азиана Чадамба бодунуң бодалдары-биле үлешкен.

«Путинниң парлалга конференциязынга ийи катап киржир аргалыг болган мен. Бир дугаарында, аажок девидеп турзумза-даа, национал хевим биле плакадым хамыкты кайгаткан. Бистиң республикавыс дугайында та чеже интервью бердим. Ийи дугаарында, ол хемчегден эки, ажыктыг чүүлдер алыр бодап алган мен. Ынчангаш дыка хөй коллегалар-биле таныжып, чугаалажып турдум. Оларның чамдыызы-биле ам-даа харылзажып турар бис. Путинниң парлалга конференциязы – маргыш чок, эң-не чугула хемчег болбайн канчаар, өске талазында регионалдыг эвес, федералдыг МИЧ-же улуг кичээнгей салып турары арай хомуданчыг чорду. А эң-не чидиг айтырыглар ыраккы регионнарда болгай. Регионнарның чурттакчыларының айтырыглары Президентиге чедип турар болза эки болгай. Бо чылын аңаа киржир коллегавыстың чоруу чогунгур болурун идегеп тур мен» — деп, «Тува 24» телеканалдың редактору турган Азияна Чадамба чугаалаан.

2020 чылда дорт эфир биле парлалга конференциязын каттыштыргаш, эпидемиологтуг негелделерге дүүштүр ырактан эрттирген. Сибирь Федералдыг округтуң журналистери Новосибирск хоорайга чыглып алгаш, ырактан киришкен.

«Новосибирскиге парлалга конференциязындан чүнү эң-не сактыр дээр болза, шупту федералдыг округтар айтырыгларын салыр аргалыг болган. Президент-биле дорт эфирни каш удаа кошкан. Чаа негелделер езугаар көскүлең плакаттар болгаш хептер турбаан. Ынчангаш ол конференция Президентиниң харыылары болгаш саналдары-биле уттундурбас, бир онзагай, тодаргай болган» — деп, Россияның Журналистер эвилелиниң кежигүнү Татьяна Рамазанова чугаалаан.

Россияның Президентизиниң парлалга конференциязын 20 чыл эрттирип келген үезинде, Владимир Путинниң бодунга Тываның журналистеринден чүгле ийи кижи айтырыг салып шыдаан: 2002 чылда «Плюс Информ» солунну төлээлеп чораан Дина Оюн, 2012 чылда «Новый век» телеканалды төлээлээн Роланда Казачакова.

Амдыызында Тываның чурттакчылары Владимир Путинге 8 (800) 200 40-40 дугаарже халас долгааш, айтырыг салып болур, 0-40-40 дугаарже халас СМС, moskva-putinu.ru – сайтыже чагаа чорудуп болур. Ол ышкаш мобильдиг капсырылгалар азы «ВКонтакте» биле «Одноклассники» социал четкилерде «Итоги года с Владимиром Путиным» деп тускай бөлүктер таварыштыр видеозун чорудуп болур.

Бистиң корр.