Хоорайдан дашкаар уруглар лагерьлеринче путёвкалар садып алган ада-иелер ооң чартыын эгидип ап болур. Республиканың Өөредилге яамызы ооң дугайында бо чылдың сөөлгү регионалдыг ада-ие өөредилгезинде сагындырган.
Компенсация акшазын алырда, дараазында негелделерни албан сагыырын яамы сагындырып турар:
• уруг лагерьге 21 хонуктан эвээш эвес үе дургузунда турар ужурлуг;
• компенсацияны чылда бир катап алыр;
• чүгле хоорайдан дашкаар лагерьлерже путёвкалар өртээниң 50 хуузу хире төлевирни эгидер;
- кол негелде – бо чылын саткан путёвкага төлевирни бээр;
• компенсацияны алырда октябрь 1-ге чедир уругнуң киир бижиткен муниципалитеттиң өөредилге эргелелинче билдириишкинни киирер.
Өөредилге яамызы уругларга чайгы дыштанылганы организастаарының, путёвкаларының, компенсация төлевириниң дугайында айтырыгларга харыыларны “изиг шугум” телефону: 8(39422) 2-72-92 таварыштыр берип турар.
Бо чылын Тывада хоорайдан дашкаар 19 кадыкшылга лагериниң өртээн 17157 рубль кылдыр доктаатканын сагындыраал. Ол лагерьлер уругларны июнь 5-тен 17-ге чедир хүлээп эгелээр.
Чайгы лагерьлер путёвказының ортумак өртээ 6016 рубль болза, майгын лагерьлерже – 4935 рубль. Хүндүскү лагерьлер июнь 8-тен, а бир майгын лагерь июнь 14-те ажыттынар.
ТР-ниң Чазааның парлалга албаны.
«Шын» №42 2024 чылдың июнь 8
