Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Өөрүп четтиргенин илереткен

20 марта 2024
23

Дүүн, март 19-та, Тываның Чазааның Аппарат хуралынга Тыва Республика талазы-биле девискээр федералдыг органнарның болгаш тус черниң муниципалдыг эрге-чагыргаларының удуртукчулары киришкен.

Оларның удуртуп турары организацияларының болгаш бүдүрүлгелериниң коллективтери Россия Федерациязының Президентизиниң соңгулдаларынга белеткелди Тывага бедик деңнелге организастааны болгаш эрттиргени, бадылаашкыннар үезинде соңгукчуларның айыыл чок чоруун магадылалдыы-биле хандырганы дээш өөрүп четтиргенин Тываның Баштыңы Владислав Ховалыг илереткен.

— Россияның Президентизиниң соңгулдаларынга Тывада соңгукчуларның хөй кезии Владимир Владимирович Путин дээш үннерин бергенин бедик чоргаарал болгаш улуг өөрүшкү-биле демдеглеп тур мен – деп, Владислав Ховалыг чугаалаан. – Владимир Владимирович бистиң улуг күрүневистиң шылгараңгай Баштыңы деп чүвени Россияның чону база катап бүзүрелдии-биле бадыткады. Президент Владимир Путинниң ачызында Россия демниг, келир үеже чүткүлдүг, күчүлүг күрүне бооп артпышаан.

Тыва Республиканың Төп соңгулда комиссиязы протоколдарның 100 хуузун түңнеп үндүргенин, республикада соңгукчуларның 95,52 хуузу бадылаашкыннарга киришкенин, оларның 95,37 хуузу, чамдык кожууннарда 99 хуузу Владимир Путин дээш үннерин бергенин, соңгулдаларга киришкен 189 687 соңгукчунуң 180 902-зи Владимир Путин Россияның Президентизи болзун дээш бадылаанын Владислав Ховалыг онзалап демдеглээн.

Тываның Чазааның Аппарат хуралынга часкы үерге болгаш өрттерге удур белеткел дугайында база чугаалашкан. Бо чылда үерден болгаш өрттен камгалал ажылдарынга 438 машина-техникалыг 1000 хире камгалакчы киржиринге беленин Аппарат хуралынга онза байдалдардан камгалал албан черлериниң удуртукчулары дыңнаткан.
Эрткен кыжын Тываның девискээринге хар ийи катап кылын чагганын Владислав Ховалыг айыткаш, хоорайларның, суурларның кудумчуларында болгаш хөй-ниити черлеринде харны дүрген аштаар, хөөлбектелген сугну сордуруп, өскээр төгер талазы-биле хемчеглерни дарый ап чорударын тус черлерниң эрге-чагырга органнарының удуртукчуларынга дааскан.

Бистиң корр.

Чуруктарны интернет четкизинден алган.


“Шын” №21 2024 чылдың март 20