Ынакшыл дугайында
— Сонуургал биле ынакшылдың ылгалы чүл?
— Сонуургай берген чечээңни сывындан тура соп алыр болгай сен. А бир эвес ол чечекке шын ынакшый берген болзуңза, ону хүннүң-не суггарып эгелээр сен.
Шарик болгаш Мурка
Мурка дээр диис Шарикти ыт үгээнден үндүр хөөглээр деп бодап алган. Боду улуг бажыңда, а ыт бичии үгекте чурттап турар болгай. Ынчалза-даа бажың диистиң эвес, а бичии үгек — Шариктиң!
Ынчангаш диис ээлеринге кыргырткайнып хоптанып эгелээн: Шарик кырааш чалгаа апарган база ээрбес боорга, херим ишти өске кижилер эртип-дүжер орук апарган.
Түңнелинде Шарикти үгээнден үндүргеш, ооң орнунга Мурканы илчирбеге баглап каан.
Ээлери угаанныг улус болган-дыр. Каржы диис биче сеткилдиг ыттан артык бажың кадарар деп билипкеннер. А Шарикти эжик аксында өрээлге чыргалдыг кырыыр кылдыр киирип алганнар.
Алдынай АРАКЧАА белеткээн.
Чурукту интернет четкизинден хоолгалаан.
“Шын” №38 2025 чылдың октябрь 2