РФ-тиң Камгалал яамызы долу эвес мобилизацияже кымнарны келдирбезин тодараткан.

Россияның Камгалал яамызынга долу эвес мобилизацияже чамдык албан черлериниң ажылдакчыларын келдирбес дээрзин журналистерге дыңнаткан.

РФ-тиң чамдык бедик технологиялыг адырларының болгаш саң-хөө системазының ажылын хандырары-биле, ук мергежилдерге дүгжүп турар дээди эртемниг база дараазында угланыышкыннарда ажылдап турар хамаатыларны долу эвес мобилизацияже кыйгыртпас дугайында шиитпирни хүлээп алган:

Информастыг технологиялар болгаш инфо-тургузуглар хүлээлгезин күүседир адырның ажыл-чорудулгазын күүседип турар албан черлеринде ажылдакчылар;

Россияның харылзаа тургузарынга айыыл чок чорукту хандырары-биле хаара туттунган, медээлер ажылдап кылыр төптериниң база харылзаа шугумнарын тургузар операторлар.

Медээлер болгаш харылзаа адырында, оларның-биле удур-дедир харылзаа тургузуп турар редакцияларда, массалыг информация чепсектеринде бүрүткеттинген телеканалда, радиоканалда ажылдап турар болгаш ук адырда хаара туттунган ажылдакчылар.

Национал төлевирлер системазын болгаш саң-хөө рыногунуң тургузугларын, банк эргелелин доктаамал хандырып турар албан черлериниң ажылдакчылары хамааржыр.

“РФ-тиң Чепсектиг күштериниң кол штавынче ук албан черлериниң удуртукчуларының берген даңзызынга даянып, мобилизацияже ол хамаатыларны кыйгыртпас” – деп, Камгалал яамызы дыңнаткан.

ТАСС-тың медээлеринден