Эргим эштер! Хүндүлүг хоочуннар! Айыыл чок чорук органнарының ажылдакчызының хүнү – профессионал байырлалыңар-биле сеткилимниң ханызындан байыр чедирип тур мен! Бөгүн бис Россия Федерациязының бот-догуннаашкынын болгаш национал сонуургалдарын камгалап, террорга болгаш экстремисчи чорукка удурланып турар кижилерниң хүнүн демдеглеп турар бис.
Сөөлгү чылдарда айыыл чок чорук албан черлеринге онааган ажылдың болгаш харыысалганың деңнели улгаткан. Россияның дайзыны дээрге бүгү делегейде экономиктиг болгаш дайынчы кыжаныгны хевирлеп база деткээн, терроржу болгаш экстремисчи айыылды тургускан делегейниң элитазы-дыр, ынчалза-даа демиселдиң бирги ээлчегде кол угланыышкыны аныяктарның, бистиң хамаатыларывыстың делегейже бодалын, медерелин болгаш көрүжүн шын орукче углаары бистиң ажылывыста.
Россия идеологтуг өскерлиишкиннерни, делегей чергелиг кризисти ажып эртип тура, делегейже көрүүшкүннүң эде тургузуушкунун эртип турар. Россия бодунуң бот-тускайлаңын, бедик мөзү-шынар идеалдарын болгаш сүлде-сүзүүнүң үнелиг чүүлдерин эгидер эргези дээш туржурундан аңгыда, а бистиң чуртувустуң дең эргези, айыыл чок чоруу, деңге хөгжүүр эргези дээш, чаа делегей тургузуун хевирлээрин саналдап турар.
Айыыл чок чорук органнарының хоочуннарынга өөрүп четтириишкинниң онза сөстерин чугаалаксаар-дыр мен. Төрээн чуртун болгаш чонун камгалаары, даңгыракка болгаш хүлээлгеге бердинген чоруктан бедик үнелиг чүүлдер чок дээрзин бодуңарның үлегериңер-биле бадыткадыңар. Хөй кезиивис Ада-чурттуң Улуг дайынының хан төгүүшкүнүнүң тулчуушкуннарын ажып эртип, девискээр чөрүлдээлерин шиитпирлээринге киришкен кижилер-биле кады шериг албанын эрттирер аас-кежиктиг болган бис. Айыыл чок чорук ажылдакчылары ам база катап мурнуку одуругда – тускай шериг операциязының зоназында – нацизм-биле демиселде, боттарының маадырлыг өгбелеринге деңнежип турар. Ада-чуртунга бодун камнавайн, аңаа бараан болуп чораан кижи бүрүзүн сактып чоруур бис.
Россия Федерациязының тускай албанының ажылдакчылары хүн бүрүде кызымак ажылы-биле тайбыңны болгаш күрүнениң амыр-дыжын хандырып турар. Чаа кыжаныглар бисти Россияның конститусчу тургузуунуң турум чоруун хандырар айтырыгларны шиитпирлээрде, амгы үениң арга-хевирлерин тыварын негеп турар. Информастыг айыыл чок чорук, националдар болгаш шажын-чүдүлге ылгажыр чоруктуң идеяларын тарадып нептередиринге удур ажылдар онза кичээнгейде. Организастыг кем-херек үүлгедиишкини, коррупция, чажыт акша-хөреңги орулгазы болгаш экстремисчи ажыл-чорудулгага удур демисел – кол угланышкын бооп арткан.
Айыыл чок чорук албанының ажылдакчылары амгы үеде дег чедиишкинниг болгаш шиитпирлиг ажылдаарынга бүзүрээр мен. База катап байырлалыңар-биле! Силерге болгаш чоок кижилериңерге кадыкшылды, амыр-тайбыңны болгаш чаагай чорукту күзедим!
Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев