Хүндүлүг Истелге комитединиң ажылдакчылары болгаш хоочуннары! Россия Федерациязының Истелге комитединиң үндезилеттинген хүнү-биле сеткиливис ханызындан байырывысты хүлээп ап көрүңер!
Январь 15-те, кеземче херээниң суд шиитпиринде болгаш кем-херек үүлгедиишкиннерин истээр адырда чугула бүрүн эргелерни боттандырып турар хамаарышпас федералдыг күрүне органын тургусканын айыткан федералдыг хоойлу күш кирген хүнде, хоойлуга болгаш шын чорукка бодун хайыралавайн бараан болуп турар кижилерге мөгейип тур бис.
Ведомствонуң он беш чылдаан юбилейинде истелге органнарының хоочуннарынга өөрүп четтириишкинниң онза сөстерин илередип тур мен. Силерниң үнелеп четпес арга-дуржулгаңар, ажыл-херээңерге бердингениңер база төлептиг салгакчыларны кижизидеринге үлүг-хууңар Истелге комитединиң ужур-чаңчылдарынга быжыг үндезинни салган.
Бо хүнде Истелге комитеди – хамаатыларның эрге-ажыын, хоойлу-дүрүмнү болгаш корум-чурумну камгалап турар күчүлүг болгаш чедимчелиг тургузуг болуп турар. Хүн бүрүде кем-херек үүлгедии-биле демиселдиң мурнуку одуругларында, эң-не берге, нарын болгаш аар кем-херек үүлгедиишкиннерин истеп, коррупция болгаш терроризм-биле демисежип, күрүнениң айыыл чок чоруун хандырарынга улуг үлүг-хууңарны киирип, хүлээлгеңерни эрес-дидим күүседип чоруур силер.
Тускай шериг операциязының мурнуку одуругларында болгаш фронт чоогунуң девискээрлеринде ажылдап турар истекчилер амы-тынын бодавайн, шериг кем-херек үүлгедиишкиннериниң, диверсияның, геноцидтиң болгаш неонацисчи өске-даа кижизиг эвес кем-херек үүлгедиишкиннерин бадыткаан документилерни доктаамал чыып, чурттуң бот-догуннаашкынын камгалап, төөгүлүг чөптүг чорукту катап тургузуп, тиилелгени чоокшуладып турар.
Силерге быжыг кадыкшылды, кызыгаар чок күш-шыдалды, өг-бүлеңерге аас-кежикти, Россияның чаагай чоруу дээш харыысалгалыг албаныңарга ам-даа чедиишкиннерни күзедим! Силерниң кылган ажылыңар кезээде үнелеттинип, хоойлу-дүрүм болгаш чөптүг чорук кезээде тиилеп чорзун!
Байырлал-биле!
Россия Федерациязының Президентизиниң Сибирь федералдыг округта бүрүн эргелиг төлээзи А.Серышев.